तथ्यांकको अभावमा महिला आप्रवासी कामदार क्षतिपुर्ती रकम पाउनबाट वञ्चित

2009-03-12

तथ्यांकको अभावमा महिला आप्रवासी कामदार क्षतिपुर्ती रकम पाउनबाट वञ्चित

वैदेशिक रोजगारमा जाने महिला कामदारहरुको सरकारसँग आवश्यक सम्पुर्ण तथ्यांक र विवरण नहुँदा इजरायलमा काम गरी फर्किएकी तर स्थाई ठेगाना र विवरण थाहा हुन नसकेकी एक नेपाली कामदार आफुले पाउने क्षतिपुर्ति रकमबाट वञ्चित हुनु पर्ने भएको छ ।  दिलकुमारी राई (पासपोर्ट नम्बर २१७५१३२) उल्लेख भई इजरायलमा काम गरी नेपाल फर्किसकेकी नीजले सम्बन्धीत पक्षवाट पाउनुपर्ने क्षतीपुर्ती रकमवाट वञ्चित हुन सक्ने अवस्था सृजना भएको छ ।

दिलकुमारी राई केहि बर्ष अगाडी इजरायल पुगी काम गर्ने क्रममा चित्तबुझ्दो नभएपछि स्थानिय Kav Laoved  संस्थाको सहयोगमा इजरायलको श्रम अदालतमा आफ्नो कम्पनी विरुद्ध मुद्दा दायर गरेर  नेपाल फर्किन । उक्त संस्थाले दिलकुमारी राईको नाममा कानुनी वकालत गरेपछि कामदार कम्पनीले नीज दिलकुमारी राईलाई क्षतीपुर्ती उपलब्ध गराउने निर्णय ग¥यो । उक्त संस्थाले क्षतीपुर्ती उपलब्ध गराउनका लागि दिलकुमारी राईको विवरण र उनीसँग सम्पर्क गर्न खोज्यो तर उनीहरुसँग आवश्यक सम्पर्क ठेगाना उपलब्ध हुन सकेन । उक्त संस्थाले Migrant Forum Asia को सहयोगमा नेपालमा रहेका आप्रवासन सम्बन्धी काम गर्ने संघ संस्थालाई उनको सम्पर्क विवरण माग गरी पठाईएकोमा श्रम मन्त्रालय, वैदेशिक रोजगार विभाग र परराष्ट्र मन्त्रालयसँग सम्पर्क गर्दा कसैले पनि उनको विवरण र सम्पर्क ठेगाना उपलब्ध गराउन सकेनन् ।

त्यसैले हामी यो प्रेस विज्ञप्ती मार्फत सम्पुर्ण सञ्चार माध्यम, संघ संस्था र सम्वन्धित सरोकारावालाहरु समक्ष दिलकुमारी राईको सम्पर्क विवरण खोजी गरी उनलाई सम्पर्क गराई क्षतीपुर्ती दिलाउने कार्यमा सहोग गरिदिनुहुन अनुरोध गर्दछौं । यदि तपाईले दिलकुमारी राईको विवरण र सम्पर्क थाहा पाउनु भयो भने युथ एक्सन नेपाल, अनामनगर, काठमाडौंको फोन ०१—४७७१५३५ (मदन पोख्रेल) मा सम्पर्क गर्न सक्नु हुनेछ ।

विष्णु ब. खत्री
कार्यकारी निर्देशक

युवा नीतिको स्वागत

2010-02-24

युवा नीतिको स्वागत

मिति ०६६ फागुन १२ गते

नेपाल सरकार युवा तथा खेलकुद मन्त्रालयले युवा नीति, २०६६ जारी गरेकोमा हामी त्यसको स्वागत गर्दछौं । यद्यपी नेपालको भौगोलिक, सांस्कृतिक तथा सामाजिक अवस्थितीलाई ध्यान नै नदिई १६ देखी ४० वर्ष उमेर समूहलाई युवा भनी परिभाषित गरिनुले हामीलाई दुखित बनाएको छ ।

युवा नीतिले युवासम्बन्धी कार्यक्रमहरू सञ्चालन गर्न युवा सङ्घ÷सङ्गठनहरू, राष्ट्रिय तथा अन्तर्राष्ट्रिय गैरसरकारी सङ्घ–संस्थाहरू, निजी क्षेत्र, नागरिक समाज र स्थानीय निकायहरूलाई प्रोत्साहन तथा परिचालन गरी उपयुक्त वातावरण सिर्जना गरिने तथा यस्ता संघ–संस्थाहरूको स्रोतलाई युवासम्बन्धी कार्यक्रममा परिचालन गर्न साझेदारको रूपमा लिइने उल्लेख गरीनुले युवासम्बन्धी काम गर्न हामीलाई थप हौसला प्रदान गरेको छ ।

युवा नीतिमा समावेश भएको कुराहरु व्यवहारमा लागू गरी युवालाई वास्तविक रूपमा देश निर्माणका वर्तमान साझेदारको रूपमा स्वीकार गर्न हामी सम्बन्धित पक्षसँग जोडदार माग गर्दछौं ।

गोपीकृष्ण भट्टराई
महासचिव

स्थानिय स्तरमा सुरक्षित बैदेशिक रोजगार सम्वन्धी काम गर्नका लागि संयन्त्र निर्माण गर

2010-03-03

स्थानिय स्तरमा सुरक्षित बैदेशिक रोजगार सम्वन्धी काम गर्नका लागि संयन्त्र निर्माण गर

मानव अधिकारको विश्वव्यापी आधारभुत मान्यता अनुसार सबै मानव सम्मान पुर्वक बाँच्न पाउनु पर्दछ तर अधिकांश नेपाली आप्रवासी कामदारहरु बैदेशिक रोजगारका सिलसिलामा सम्मानित मानव जीवन जीउन सकिरहेका छैनन् । नेपाल पक्ष राष्ट्र भएका अन्तर्राष्ट्रिय कानुन, नेपालको विद्यमान संविधान, कानुन अनुसार स्वतन्त्र पुर्वक घुमफिर गर्न, आवतजावत गर्न, रोजगारी रोज्ने हक सबैलाई रहने व्यवस्था गरिएको छ । काम र रोजगारी भनेको व्यक्तिको रोजाईसँग सम्वन्धित छ । सुचनाको हक सम्वन्धि ऐन अनुसार सार्वजनिक महत्वका विषयहरुमा नागरिकलाई सुचना पाउने र माग्ने अधिकार हुनेछ भनिएको छ तर बैदेशिक रोजगारसँग सम्वन्धित कतिपय राज्यका नीति नियम र कार्यक्रमका वारेमा सुचना र जानकारी सम्वन्धित व्यक्तिसँग पुग्न सकिरहेको अवस्था छैन र सम्वन्धित निकाय समेत उत्तरदायी बन्न सकेको छैन ।

यीनै बैदेशिक रोजगारसँग सम्वन्धित विभिन्न विषयहरुमा अन्तर्कृया छलफल गर्न र सम्वन्धित सरोकारवालाहरुलाई सुझाव दिनका लागि चितवनको नारायणगढमा सम्पन्न एक दिवसिय बैदेशिक रोजगार सम्बन्धी नियम कानुनको प्रभावकारी कार्यान्वयनमा आप्रवासी महिला कामदारका सवाल विषयक क्षत्रिय परामर्श भेला निम्न निष्कर्ष निकाल्दै सम्पन्न भएको छ ।

  • स्थानिय स्तरमा सुरक्षित बैदेशिक रोजगार सम्वन्धी काम गर्नका लागि सरकार, नागरिक समाज, नीजि क्षेत्र र सञ्चार क्षेत्र समेतको सहभागितामा संयन्त्र निर्माण गरिनु पर्ने,
  • बैदेशिक रोजगार प्रवद्र्धन बोर्ड, रोजगार विभागले स्थानिय स्तरमा बैदेशिक रोजगार सम्वन्धि सुचना प्रवाह गर्नका लागि आवश्यक कार्यक्रम तय गर्नु पर्ने,
  • सहि सुचना उपयुक्त समयमा उपलब्ध हुने वातावरणका लागि जिल्ला स्तरमा बैदेशिक रोजगार सुचना केन्द्र स्थापना गर्नुपर्ने,
  • बैदेशिक रोजगार ऐनको प्रभावकारी कार्यान्वयनका लागि स्थानिय निकाय जि वि स, गा वि स, नगरपालिकाहरु समेतको सहभागिता सुचिश्चित गरिनुपर्नुे,
  • बैदेशिक रोजगारीमा ठगिएका युवाहरुका लागि तत्काल राहत र कानुनी उपचारका लागि जिल्ला तहमा निकाय तोकिनु पर्ने अथवा उपयुक्त निकाय गठन गरिनु पर्ने,
  • सुरक्षित बैदेशिक रोजगारीका लागि पुर्व जानकारी दिनका लागि सञ्चार माध्यमको प्रभावकारी भुमिकाका लागि सञ्चार माध्यमले खेल्न सक्ने भुमिका निक्र्यौल गरिनु पर्ने तथा आप्रवासनलाई सञ्चार माध्यमले समेत प्राथमिकताको विषयका रुपमा राखिनु पर्ने,
  • रिक्रुटमेन्ट एजेन्सीहरुले नियुक्त गर्ने एजेन्टहरुको शैक्षिक योग्यता र न्युनतम आधार निर्धारण  गरिनुपर्ने,
    आप्रवासनमा काम गरिरहेका निकाय र संस्थाहरुले एकिकृत कार्य संस्कारको विकास गर्नु पर्ने,
  • बैदेशिक रोजगारबाट फर्किएका कामदारहरुको सामाजिक पुनस्र्थापना र रेमिटेन्सबाट प्राप्त रकमको सृजनात्मक प्रयोगका लागि परामर्श कार्यक्रम सञ्चालन गरिनु पर्ने,

विष्णु बहादुर खत्री                                                                              महेन्द्र पाण्डेय
कार्यकारी निर्देशक                                                                                  अध्यक्ष
युथ एक्सन नेपाल                                                                  प्रवासी नेपाली समन्वय समिति
आयोजक संस्थाहरुको तर्फबाट
२०६६ फागुन १९
चितवन, नारायणगढ

शान्ति प्रक्रियालाई निष्कर्षमा पुर्याऊ

2010-04-23

शान्ति प्रक्रियालाई निष्कर्षमा पुर्याऊ

मिति २०६७ बैशाख १० गते

लोकतन्त्र स्थापनाको चौथो वर्षको अवसरमा हामी सम्पूर्ण नेपालीहरूमा बधाई ज्ञापन गर्दै लोकतन्त्र स्थापनाका लागि महत्वपूर्ण योगदान पुर्याउनु हुने शहीद, बेपत्ता पारिएका नागरिक तथा घाइतेहरूप्रति सम्मान व्यक्त गर्दछौं ।

शान्ति प्रक्रियाको निष्कर्ष संविधान निर्माण हो । जनआन्दोलन ०६२÷०६३ पछि भएको संविधानसभा निर्वाचनमा जनताले संविधान लेख्नका लागि दलका प्रतिनिधिहरूलाई चुनेर पठाएका थिए । वर्तमान समयमा दलका जिम्मेवार नेताहरूले तोकिएको समयमा संविधान बन्न नसक्ने भन्ने अभिव्यक्ती दिइरहँदा जनतामा निरासा पैदा भएको छ । संविधान लेखन भन्दा सरकार गिराउने र बनाउने जोर गणितमा दलका नेताहरू तल्लीन रहनुले हामीलाई चिन्तीत तुल्याएको छ ।

राजनीतिक दलहरूलाई जिम्मेवार भई जनताले दिएको जनादेशको सम्मान गर्दै संविधान लेखन प्रक्रियामा लागि शान्ति प्रक्रियाको निष्कर्षको रूपमा रहेको संविधान तोकिएको समयमा जारी गर्न हामी सम्पूर्ण राजनीतिक दलहरूसँग आग्रह गर्दछौं ।

गोपीकृष्ण भट्टराई
महासचिव

युवालाई हिंसात्मक कार्यमा प्रयोग नगर

2010-06-10

युवालाई हिंसात्मक कार्यमा प्रयोग नगर

मितिः ०६७ जेठ ३१ गते

प्रेस विज्ञप्ति

विगत केही दिनयता धनुषा, काठमाडौंलगायतका जिल्लामा सञ्चारकर्मी, निजामती कर्मचारीमाथि भएको गोली प्रहार, हत्या तथा बम विस्फोटनको घटनाप्रति हाम्रो गम्भीर ध्यानकर्षण भएको छ । हामी ती घटनाको निन्दा एवम् भत्र्सना गर्दछौं ।

धनुषा जिल्लामा विगत एक हप्ताको अवधिमा व्यवसायी रामेश्वर साह, जिविसका पियन शिवनारायण भण्डारी, ४ वर्षे बालक अमितकुमार कापर, सुरक्षाकर्मीसँगको भिडन्तमा एक जना सशस्त्र समूहका कार्यकर्ताको हत्या भएको छ भने उदपुरका पत्रकार मोहन गोलेमाथि गोली प्रहार र सर्वसाधारण राजकुमार पञ्जियारमाथि हत्या प्रयासको घटना भएको छ । यी र यस्ता अपराधिक घटनामा युवाहरूलाई संलग्न गराइएको पाइन्छ । वर्तमानका साझेदारको रूपमा रहेका युवाहरूलाई विभिन्न सशस्त्र समूह तथा अपराधिक समूह तथा राजनीति दलले गलतरूपले संलग्न गराउनु देशको लागि दुःख विषय हो ।

पछिल्लो अवधिमा हत्या, हिंसाका घटनामा बृद्धि हुनु तथा राजधानी जस्तो सवेदनशिल क्षेत्रमा विस्फोटक पदार्थ बनाउने कारखान नै बरामद हुनुले देशको शान्ति सुरक्षाको अवस्था नाजुक रहेको देखाउँछ नै यसले सरकारको विशेष सुरक्षा योजनामै प्रश्न चिन्ह खडा गरेको छ । कुनैपनि घटनाका दोषीलाई गिरप्mतार नगर्नु र गिरप्mतार गरिएकाहरूलाई आवश्यक अनुसन्धान नै नगरी उन्मुक्ती दिनु नै यस्ता घटनाको कारक रहेको हाम्रो ठम्याइ छ ।

हत्या, हिंसा तथा अपराधिक घटनामा संलग्नलाई गिरप्mतार गरी कानुनी कारबाही गर्न र युवाहरूलाई कुनैपनि हिंसात्मक तथा अपराधिक घटनामा संलग्न नगराउन हामी सम्बन्धीत सबैको ध्यानाकर्षण गराउँदछौं ।

 

 

गोपीकृष्ण भट्टराई
महासचिव

संविधानसभा जोगाऊ

2010-06-24

संविधानसभा जोगाऊ

                                                                                                  मिति २०६७ जेठ १० गते

नेपाली जनताको २००७ सालदेखिको संविधानसभाको चाहनालाई जनआन्दोलन २०६२–६३ मुर्तरूप दिएको थियो । सोही अनुरुप देशमा संविधानसभाको निर्वाचन भइ देशमा सङ्घीय लोकतान्त्रिक गणतन्त्रको स्थापना पनि भयो । तोकिएको सयम, जेठ १४, मा जनचाहना अनुरुप संविधान नलेखिने निश्चित भइ सकेको छ । दश वर्षे लामो सशस्त्र द्वन्द्वको निकासको रुपमा रहेको संविधानसभा विघटनको संघारमा रहेकोमा हामीलाई चिन्तित तुल्याएको छ । संविधानसभाको लागि युवाले बगाएको रगत खेर जाने त होइन आशंका बढेको छ ।

जनआन्दोलन ०६२÷०६३ पछि भएको संविधानसभा निर्वाचनमा जनताले संविधान लेख्नका लागि दलका प्रतिनिधिहरूलाई चुनेर पठाएका दलहरु संविधान लेखन भन्दा सरकार गिराउने र बनाउने जोर गणितमा तल्लीन रहनु नेपालीको लागि दुःखद बनेको छ । देशका लागि रगत बगाउने ती तमाम सहिदहरूको उच्चमूल्याङ्कन भनेको विस्तृत शान्तिसम्झौता, नेपालको अन्तरिम संविधान, २०६३, जनआन्दोलन ०६२÷०६३ को भवनामा आधारित मानवअधिकारमैत्री संविधान निर्माण नै हो ।

बृहत्तर राष्ट्रिय हितको खातिर राजनीतिक दलरू जिम्मेवार भई वर्तमान सङ्कटको समाधान गरी जनताले दिएको जनादेशको सम्मान गर्दै शान्ति प्रक्रियाको निष्कर्षको रूपमा रहेको संविधानसभा जोगाउन हामी संविधानसभामा प्रतिनिधित्व गर्ने सबै दलहरूलाई आग्रह गर्दछौं ।

गोपीकृष्ण भट्टराई
महासचिव

राष्ट्रिय युवा परिषद् गठन गर

2011-08-11

राष्ट्रिय युवा परिषद् गठन गर

२०६८ साउन २६ गते

सन्दर्भ : अन्तर्राष्ट्रिय युवा दिवस

नेपाल सरकारले २०६६ माघमा जारी गरेको राष्ट्रिय युवा नीतिमा युवा शक्तिलाई राष्ट्रको अमूल्य सम्पत्ति र परिवर्तनको वाहकको भनी उल्लेख गरिएको छ । युवा नीतिमा आर्थिक, सामाजिक, राजनीतिक र सांस्कृतिक रूपान्तरणका अग्रदूत तथा परिवर्तनका संवाहक शक्ति भनी परिभाषित गरिएको भए पनि नीति निर्माताहरूले अझै पनि युवाहरूलाई उचित ठाउँ दिन कञ्जुस्याइँ गरिरहेका छन् । युवालाई व्यवहारिक रूपमा परिवर्तनका सम्वाहक स्वीकार गरी नीति निर्माण तहमा अर्थपूर्ण सहभागिता बिना देश विकास सम्भव नहुने यर्थाथलाई हृदयगम गर्न ढिलाइ गर्नु हूँदैन । । देशमा भएका राजनीतिक परिवर्तनका प्रमुख सहयात्री भनेका युवा नै हुन् भन्ने यथार्थ प्रति कसैले आँखा चिम्लनु हँदैन ।

बेरोजगारी, बढ्दो महँगी, असमानतालगायतका कारण देखिएको निराशाले विभिन्न आपराधिक गतिविधिमा युवाहरूको संलग्नता देखिएको भनी समाचारहरू प्रकाशित तथा प्रशारित हुने गरेका छन् । रोजगारीको अवस्था सृजना नगर्ने हो भने अपराधका यस्ता गतिविधिमा युवाको सङ्ख्या दिनप्रतिदिन बढ्न सक्छ भने रोजगारीको नाममा ठूलो सङ्ख्यामा विदेश पलायन हुनुपर्ने अवस्था आउनसक्छ ।  औद्योगिक, निजामती, कृषि तथा पर्यटन क्षेत्रमा बढीभन्दा बढी रोजगारीको अवस्था सृजना गर्नु नै युवालाई सहीमार्गमा ल्याउने एउटा मार्ग हुनसक्छ । यसको लागि राजनीतिक इच्छाशक्तिको खाँचो छ ।

राष्ट्रिय युवा नीति, २०६६ को दफा ८ को १ ले युवा नीतिमा उल्लेख गरिएका विषयहरूको कार्यान्वयनको लागि युवा परिषद् ऐन जारी गरी युवा नीति कार्यान्वयन गरिनेछ भनेर उल्लेख छ । अन्तर्राष्ट्रिय युवा दिवस २०११ को उपलक्ष्यमा माथि उल्लेखित समस्या हल गर्न युवा परिषद् ऐन चाँडो भन्दा चाँडो जारी गरी राष्ट्रिय युवा परिषद् गठन गर्न नेपाल सरकारसँग हामी जोडदार माग गर्दछौँ ।

अन्तर्राष्ट्रिय युवा दिवस अगस्ट १२ को सन्दर्भमा हामी सम्पूर्ण युवाहरूमा हार्दिक शुभकामना व्यक्त गर्दछौं ।

गोपीकृष्ण भट्टराई
महासचिव

हार्दिक श्रद्धान्जली

2011-08-16

हार्दिक श्रद्धान्जली

मिति २०६८ साउन ३१ गते

युवा मानवअधिकारकर्मी तथा समता फाउण्डेसनका कार्यकारी निर्देशक सुवास दर्नालको २०६८ साउन ३० गते अमेरिकामा सवारी दुर्घटनामा परी असामयिक निधन भएकोमा दुःख व्यक्त गदै मृत आत्माको चिर शान्तिको कामना गर्दै हार्दिक श्राद्धान्जली व्यक्त गर्दछौं ।  शोकको यस घडिमा शोक सन्तप्त परिवारप्रति हार्दिक समवेदना व्यक्त गर्दछौं ।

पवन राय

अध्यक्ष

Endorsing Foreign Employment Act : A Welcoming Effort

2012-03-02

Endorsing Foreign Employment Act : A Welcoming Effort

2 March 2012

We welcome the endorsement of Foreign Employment Act by the Cabinet of Ministers, Government of Nepal. We are hopeful that the act shall address the needs and problems of thousands of youth migrating for foreign employment every day.

We are hopeful that the act shall be effectively implemented which has clearly spelled out to incorporate the subject foreign employment in school and university curricula, ensure women rights, improvement of Nepali human resource according to demand of labour in international job market and identification of international labour market which we believe shall ensure managed foreign employment that checks human trafficking which are done under the name of foreign employment.

We also appeal with the government to ensure direct and strong youth participation and engagement while formulating guidelines, promulgating relevant policies and programmes as youth are directly involved as a major force of foreign employment.

Gopi Krishna Bhattarai

Chairperson

Investigate and Take Legal Action

2012-12-21

Investigate and Take Legal Action

December 21, 2012

Our grave concern has been drawn towards the news on attack and manhandling to the journalist into the office of Nepal Republic Media at JDA Complex, Sundhara. As per the news report, a mob calming Shiva Sena, assaulted Kishor Nepal, editor-in-chief of Nagarik Daily and Shukrabar Weekly; and other journalist including Sudarshan Sapkota, Bishwomani Pokharel, Rajendra Gyawali, Sworoop Acharya and Madan Chaudhary received blows and kicks.

It is not only the attack on the Media, it a naked attack on freedom of expression and right to information. Such attacks are occurring due to state of the impunity and unwillingness of government to take legal action to perpetrators in previous such kinds of attack.

We strongly argue to Nepal Government for the immediate investigation on the incident and take legal action on those who involve in the attack and manhandling.

Gopi Krishna Bhattarai

Chairperson